Secunderabad : సికింద్రాబాద్‌ రైల్వే రీజియన్‌లో 758 ALP ఉద్యోగాలు.. అప్లికేషన్‌ ప్రాసెస్‌ ప్రారంభమైంది

Secunderabad - RRB ALP Recruitment 2024 : దేశవ్యాప్తంగా ఉన్న అన్నీ రైల్వే రీజియన్లలో పెద్ద సంఖ్యలో ఉద్యోగాల భర్తీకి నోటిఫికేషన్‌ విడుదలైంది. దేశవ్యాప్తంగా మొత్తం 5,696 అసిస్టెంట్ లోకో పైలట్ (RRB ALP Recruitment 2024) పోస్టులను భర్తీ చేసేందుకు రైల్వే శాఖ (Railway Recruitment Board) దరఖాస్తులు కోరుతోంది. ఇందులో భాగంగా సికింద్రాబాద్‌ రైల్వే రీజియన్‌లో 758 ఖాళీలున్నాయి.

ఈ పోస్టులకు టెన్త్‌, ఐటీఐ, డిప్లొమా ఉత్తీర్ణులైన అభ్యర్థులు అప్లయ్‌ చేసుకోవచ్చు. జనవరి 20వ తేదీ నుంచి దరఖాస్తు ప్రక్రియ ప్రారంభమైంది. ఫిబ్రవరి 19వ తేదీ వరకు ఆన్‌లైన్‌లో దరఖాస్తు చేసుకోవాల్సి ఉంటుంది. రాత పరీక్ష, మెడికల్‌ టెస్ట్‌ల తదితరాల ఆధారంగా అభ్యర్థులను ఎంపిక చేస్తారు.

ఆర్‌ఆర్‌బీ రీజియన్లు ఇవే:

అహ్మదాబాద్, అజ్‌మేర్, బెంగళూరు, భోపాల్, భువనేశ్వర్, బిలాస్‌పూర్, చండీఘడ్‌, చెన్నై, గువాహటి, జమ్ము అండ్‌ శ్రీనగర్, కోల్‌కతా, మాల్దా, ముంబయి, ముజఫర్‌పూర్, పట్నా, ప్రయాగ్‌రాజ్, రాంచీ, సికింద్రాబాద్, సిలిగురి, తిరువనంతపురం, గోరఖ్‌పూర్ తదితర రీజియన్లలో ఈ ఖాళీలున్నాయి

ఆర్‌ఆర్‌బీ రీజియన్ల వారీ ఖాళీలు:

అహ్మదాబాద్- 238

అజ్‌మేర్- 228

బెంగళూరు- 473

భోపాల్- 284

భువనేశ్వర్- 280

బిలాస్‌పూర్- 1,316

చండీఘడ్‌- 66

చెన్నై- 148

గువాహటి- 62

జమ్ము అండ్‌ శ్రీనగర్- 39

కోల్‌కతా- 345

మాల్దా- 217

ముంబయి- 547

ముజఫర్‌పూర్- 38

పట్నా- 38

ప్రయాగ్‌రాజ్- 286

రాంచీ- 153

సికింద్రాబాద్- 758

సిలిగురి- 67

తిరువనంతపురం- 70

గోరఖ్‌పూర్- 43

ముఖ్య సమాచారం :

అర్హత: అభ్యర్థులు మెట్రిక్యులేషన్‌తో పాటు ఐటీఐ(ఫిట్టర్‌/ ఎలక్ట్రీషియన్‌/ ఇన్‌స్ట్రుమెంట్‌ మెకానిక్‌/ మిల్‌రైట్‌/ మెయింటెనెన్స్‌ మెకానిక్‌/ మెకానిక్‌- రేడియో అండ్‌ టీవీ/ ఎలక్ట్రానిక్స్‌ మెకానిక్‌/ మెకానిక్‌- మోటార్‌ వెహికల్‌/ వైర్‌మ్యాన్‌/ ట్రాక్టర్‌ మెకానిక్‌/ ఆర్మేటర్‌ అండ్‌ కాయిల్‌ వైండర్‌/ మెకానిక్‌- డీజిల్‌/ హీట్‌ ఇంజిన్‌/ టర్నర్‌/ మెషినిస్ట్‌/ రిఫ్రజెరేషన్‌ అండ్‌ ఎయిర్‌ కండీషనింగ్‌ మెకానిక్‌) పూర్తి చేసి ఉండాలి. లేదా మెకానికల్‌, ఎలక్ట్రికల్‌, ఎలక్ట్రానిక్స్‌ లేదా ఆటోమొబైల్‌ ఇంజినీరింగ్‌లో మూడేళ్ల డిప్లొమా చేసినవారూ అప్లయ్‌ చేసుకోవచ్చు.

వయోపరిమితి: 01-07-2024 నాటికి 18-30 సంవత్సరాల మధ్య ఉండాలి. ఎస్సీ/ ఎస్టీలకు అయిదేళ్లు; ఓబీసీలకు మూడేళ్ల సడలింపు ఉంటుంది.

జీతభత్యాలు: నెలకు రూ.19,900- రూ.63,200 గా ఉంటుంది.

దరఖాస్తు ఫీజు: ఎస్సీ, ఎస్టీ, మాజీ సైనికోద్యోగులు, మహిళలు, ట్రాన్స్‌జెండర్‌, మైనారిటీ, ఈబీసీ అభ్యర్థులకు రూ.250. ఇతరులకు రూ.500గా నిర్ణయించారు.

ఎంపిక ప్రక్రియ: ఫస్ట్‌ స్టేజ్‌ సీబీటీ-1, సెకండ్‌ స్టేజ్‌ సీబీటీ-2, కంప్యూటర్‌ బేస్డ్‌ ఆప్టిట్యూడ్‌ టెస్ట్‌, డాక్యుమెంట్ వెరిఫికేషన్, మెడికల్ ఎగ్జామినేషన్ ఆధారంగా ఎంపిక చేస్తారు.

దరఖాస్తు విధానం : ఆన్‌లైన్‌ విధానంలో అప్లయ్‌ చేసుకోవాల్సి ఉంటుంది.

ముఖ్య తేదీలు:

దరఖాస్తుల ప్రక్రియ ప్రారంభం: జనవరి 20, 2024.

దరఖాస్తులకు చివరి తేదీ: ఫిబ్రవరి 19, 2024.

దరఖాస్తుల సవరణల తేదీలు: ఫిబ్రవరి 20, 2024 నుంచి ఫిబ్రవరి 29, 2024 వరకు అవకాశం కల్పించారు.

Official Website