Muthoot Finance: ముత్తూట్ ఫైనాన్స్ సంస్థలో నియామకాలు

ఆంధ్రప్రదేశ్ స్టేట్ స్కిల్ డవలప్మెంట్ కార్పొరేషన్ (APSSDC) నిరుద్యోగులకు మరో గుడ్ న్యూస్ చెప్పింది. పలు ఉద్యోగాల భర్తీకి నోటిఫికేషన్ విడుదల చేసింది. ముత్తూట్ ఫైనాన్స్ సంస్థలో మొత్తం 30 ఖాళీలను భర్తీకి ఈ నోటిఫికేషన్ విడుదల చేశారు. JRE(జూనియర్ రిలేషన్ ఎగ్జిక్యూటివ్), ప్రొబేషనరీ ఆఫీసర్ విభాగాల్లో ఈ నియామకాలు చేపట్టారు. అర్హత, ఆసక్తి కలిగిన అభ్యర్థులు రిజిస్టర్ చేసుకోవాలని నోటిఫికేషన్లో సూచించారు. ఆన్ లైన్, టెలిఫోనిక్ ఇంటర్వ్యూల ద్వారా అభ్యర్థుల ఎంపిక నిర్వహించనున్నారు

.గ్రాడ్యుయేషన్/పోస్టు గ్రాడ్యుయేషన్ చేసిన అభ్యర్థులు ఈ ఉద్యోగాలకు అప్లై చేసేందుకు అర్హులు. ఫ్రెషర్స్ తో పాటు అనుభవం కలిగిన వారు కూడా ఈ ఉద్యోగాలకు అప్లై చేసుకోవచ్చు. వయస్సు 30 ఏళ్ల లోపు ఉండాలి. అయితే కేవలం పురుషులు మాత్రమే ఈ ఉద్యోగాలకు అప్లై చేసుకోవాలని నోటిఫికేషన్లో స్పష్టం చేశారు. ఎంపికైన అభ్యర్థులకు నెలకు రూ. 14 వేల వేతనంతో పాటు వెహికిల్ అలవెన్స్ అందించనున్నారు.

ఈ విభాగంలో మొత్తం 10 ఖాళీలు ఉన్నాయి. ఎంబీఏ లేదా ఎంఏ చేసిన వారు ఈ ఉద్యోగాలకు అప్లై చేసేందుకు అర్హులు. 2019/20/21 లో పాసై ఉండాలి. ఎంపికైన వారికి ఏడాదికి రూ. 2 లక్షల నుంచి రూ. 2.30 లక్షల వరకు వేతనం చెల్లించనున్నారు. ఫ్రెషర్స్ తో పాటు అనుభవం ఉన్న వారు ఈ ఉద్యోగాలకు అప్లై చేసేందుకు అర్హులు. వయస్సు 28 ఏళ్ల లోపు ఉండాలి. అయితే కేవలం పురుషులు మాత్రమే అప్లై చేసుకోవాలని స్పష్టం చేశారు. 

అర్హత, ఆసక్తి కలిగిన అభ్యర్థులు పైన ఇచ్చిన లింక్ ద్వారా జూన్ 2 వ తేదీలోగా రిజిస్టర్ చేసుకోవాల్సి ఉంటుంది. రిజిస్ట్రేషన్ చేసుకున్న అభ్యర్థులకు ఆన్లైన్ లేదా టెలిఫోనిక్ ఇంటర్వ్యూ నిర్వహించనున్నారు. తద్వారా అభ్యర్థుల ఎంపిక ఉంటుంది. ఎంపికైన అభ్యర్థులు విజయవాడ - కృష్ణా జిల్లాలో పని చేయాల్సి ఉంటుంది. అభ్యర్థులు ఇతర వివరాలకు 9652518187 నంబరును సంప్రదించాలని నోటిఫికేషన్లో సూచించారు.